Tag
Lifestyle

တစ်မိုးအောက်တစ်ယောက်။

Kyi Kyi | 2018/09/24 17:36:46

ချစ်သူဘဝမှာပဲ ဖြစ်ဖြစ် အိမ်ထောင်သည်ဘဝမှာဖြစ်ဖြစ် တစ်ယောက်ကို တစ်ယောက် ချစ်ခင်မြတ်နိုး တယ်ဆိုတဲ့ ယုံကြည်မှုနဲ့စတင်ခဲ့ကြတာပဲဖြစ်ပါတယ်။ ချစ်လွန်းလို့ တစ်ယောက်နဲ့တစ်ယောက် မခွဲနိုင် လို့ တစ်မိုးတည်း အောက်မှာ တစ်အိပ်ယာတည်းအိပ်မယ်လို့ ဆုံးဖြတ်ထားကြတဲ့ ချစ်သူတွေကြားမှာ အ်ိမ်တွင်းအကြမ်းဖက်မှုဆိုတာ ဘာဖြစ်လို့ ဖြစ်ပေါ်လာတာပါလဲ။

ယောက်ျားတစ်ယောက်အတွက် မိန်းမတစ်ယောက်ဟာ "မရှိမဖြစ်"ဆိုတဲ့ ခံစားချက်ရှိနေသမျှ အဲဒီ ယောက်ျားရဲ့ ချစ်ခင်မြတ်နိုးခြင်းနဲ့ အကြင်နာမေတ္တာကို အမြဲရရှိနေမှာဖြစ်ပါတယ်။ မိန်းမတစ်ယောက် အတွက် ယောက်ျားတစ်ယောက်ဟာ "အားကိုးရာ"ဆိုတဲ့ ခံစားချက်ရှိနေသမျှ အဲဒီမိန်းမရဲ့ ချစ်ခင် မြတ်နိုးခြင်းနဲ့အကြင်နာမေတ္တာကို အမြဲရရှိနေမှာဖြစ်ပါတယ်။

"မရှိမဖြစ်"ဆိုတဲ့ ခံစားချက်ကို ဘယ်အရာတွေက တိုက်စားသွားတာပါလဲ။

၁။ ရင်ခုန်လှုပ်ရှားစရာ ဆွဲဆောင်မှုမရှိတော့တာတွေ။



၂။ တစ်ဦးတည်းမူပိုင်ဆိုတဲ့ အတ္တတွေ။



၃။ မိန်းမအလုပ် ယောက်ျားအလုပ်ဆိုတဲ့ အလုပ်ခွဲခြားခြင်း အစွဲအလမ်းတွေ။



၎။ အထင်ကြီးလေးစားမှုကုန်ဆုံးသွားချိန်တွေ။



၅။ စီးတဲ့ရေ ဆည်တဲ့ကန်သင်းလို အနောက်က ပံ့ပိုးပေးနိုင်မှုတွေ။



၆။ ဆွေမျိုး အသိုးအဝိုင်းရဲ့ဖိအားတွေ။



၇။ ကိုယ်ပိုင်အရည်အချင်းမရှိတာတွေ။



အားကိုးရာဆိုတဲ့ ခံစားချက်ကိုရော ဘယ်အရာတွေကတိုက်စားသွားတာပါလဲ။

၁။ သစ္စာဖောက်မှု။

၂။ အနိုင်ကျင့်ချုပ်ချယ်ခံရမှု။

၃။ ဂရုမစိုက်မှု

၎။ အနာဂတ်အတွက်စိတ်ချယုံကြည်ရခြင်းကင်းမဲ့လာမှု

၅။ ကျန်းမာရေး ချို့ယွင်းလာမှု။

ဘဝမှာ မရှိမဖြစ် တဲ့သူပဲဖြစ်ဖြစ်။ ဘဝမှာ အားကိုးရာဖြစ်နေတဲ့သူပဲဖြစ်ဖြစ်- ချစ်ခြင်းမေတ္တာ မရှိရင် တော့ တစ်မိုးအောက်မှာ တစ်ယောက်တည်းနဲ့သာယာချမ်းမြေ့တဲ့ ပျော်ရွှင်မှုကို ရှာတွေ့နိုင်မှာ မဟုတ်ပါ။

ချစ်ခြင်းမေတ္တာမရှိတော့တဲ့အခါ အိမ်တွင်းအကြမ်းဖက်မှုက အလိုလိုနေရာယူလာပါတယ်။အကြမ်းဖက် ခံရတယ်ဆိုတာနဲ့ အမျိုးသမီးတွေကိုပဲ ပြေးမြင်နေလို့မရပါဘူး။ အားကိုးရာနေရာမှာ မရှိတော့တဲ့ အမျိုးသားတွေဟာလည်း အကြမ်းဖက်မှုအမျိုးမျိုးကြုံတွေ့နေရပါတယ်။

မြန်မာ့ဓလေ့မှာ တစ်ဘဝမှာ တစ်ယောက်သာချစ်ဖို့မျှော်လင့်ထားတတ်ကြပေမယ့် အကြမ်းဖက်ခံ ရမှုကိုတော့ သည်းခံနေဖို့ ခက်ခဲလှပါတယ်။ ပြိုကွဲသွားတဲ့ အိမ်ထောင် ၉၅ ရာခိုင်နှုန်းဟာ အိမ်တွင်းအကြမ်းဖက်ခံရခြင်းနဲ့ဆက်နွယ်ပတ်သက်နေလေ့ရှိပါတယ်။ အကြမ်းဖက်ခံရခြင်းနည်းအမျိုးမျိုးရဲ့ ၇၀ ရာခိုင်နှုန်းဟာလည်း စိတ်ကိုနာကျင်စေတဲ့ ပြင်ပဒဏ်ရာမပေါ်စေသော နေ့စဉ်ခံစားချက်တွေသာ ဖြစ်နေတတ်ပါတယ်။

ကိုယ်တိုင်က အကြမ်းဖက်ခံနေရပေမယ့် တမိုးအောက်တယောက်သာဆိုတဲ့ ခံယူချက်နဲ့ ကြိတ်မှိတ်ငို ကြွေးနေတဲ့သူတွေကို အကြံပေးချင်ပါတယ်။ သားသမီး။ ပတ်ဝန်းကျင်။ ဆွေမျိုးတွေအားလုံး အရေး ကြီး ဂရုစိုက်ရမယ့်အရာဖြစ်နေတာမှန်ပါတယ်။ ဒါတွေအားလုံးထက် ပိုမိုအရေးကြီးတဲ့ အကြောင်းအရာ ကတော့ ကိုယ်တိုင်ရဲ့ မြင်ရတဲ့ဒဏ်ရာတွေရော မမြင်ရတဲ့ဒဏ်ရာတွေရော နှစ်ခုစလုံးပါပဲ။



ဒဏ်ရာတွေကို ထပ်အဖြစ်မခံပါနဲ့။ ရှိပြီးသားဒဏ်ရာတွေကိုလည်း ကုသပါ။ ဘဝမှာ ဘယ်လိုအကြမ်း ဖက်မှုမျိုးကိုမှ ခေါင်းငုံခံနေစရာအကြောင်းမရှိပါဘူး။ တကယ်တော့ လောက ကောင်းကင်ကြီးဟာ ကျယ်ပြန့်လွန်းတဲ့အတွက် တစ်ယောက်တည်းသာရှိတဲ့ အမိုးတစ်ခုတော့ မဟုတ်ပါဘူးရှင်။

ချစ်တဲ့- ကြည်ကြည်

Favorite( 0
share
You can comment if you sign up from login page.